या ब्लॉग विषयी...

नमस्कार,

     सर्व विद्यार्थी, शिक्षक, शिक्षकेतर घटक व समाजातील सूज्ञ, वाचनाची आवड असणारा सर्व ग्रंथप्रेमी परिवार आपणा सर्वाना या ब्लॉगच्या माध्यमातून भेटताना अतिशय आनंद होत आहे. आपण सर्वजण प्रत्यक्ष अप्रत्यक्ष ग्रंथ आणि ग्रंथालयाच एक अविभाज्य भाग आहोत किंबहुना असतो. त्यामुळे "आर्ट्स, कॉमर्स अँड सायन्स कॉलेज, नागठाणे (सातारा) महाराष्ट्र" येथील ग्रंथालया संदर्भात नव नवीन बाबी, उपक्रम आपणाला समजाव्यात यासाठीचा हा एक छोटासा प्रयत्न. सर्वाना ग्रंथालय आणि ग्रंथालयाच्या माध्यमातून होणारे विविध प्रोग्राम आणि शैक्षणिक माहिती ही आहे त्या ठिकाणी आपणास मिळावी यासाठी हा ब्लॉग तयार केला आहे.

या ब्लॉगच्या माध्यमातून मी आपणास ऑडीओ बुक्स, ई-बुक्स, ई-ड्रामा, ई-न्यूज पेपर अशा सर्व प्रकारच्या संसाधनांना आपल्या सर्वांच्या सोईसाठी उपलब्ध करून दिले आहे.

कॉलेजने वर्गणी भरलेले N-LIST देखील येथे देऊन तसेच U.G.C. ने पुढाकार घेऊन शिकणे व शिकविणे या सर्वांसाठी आवश्यक असणाऱ्या वेबसाईट लिंक उपलब्ध  करत आहे. त्या आपण इथे पाहू शकता.

महाविद्यालयाचे विद्यार्थी, शिक्षक, स्टाफ यांना वारंवार लागणारी माहिती येथे उपलब्ध करून देण्याचा हा एक छोटासा प्रयत्न. या कामात मला मा. प्राचार्य डॉ. शेजवळ आर. व्ही. सरांचे व आपण सर्व शिक्षक बंधूंचे आणि माझे पती श्री. नंदकुमार साळुंके (ग्रंथपाल) यांचे विशेष सहकार्य लाभले, त्याबद्दल आपणा सर्वांचे आभार. 

आपल्या सर्वांच्या सूचनांचे नेहमीच स्वागत असेल...! 

एन. एन. हेमाडे (साळुंके)

ग्रंथालय विभाग प्रमुख